Poezi nga vellimi poetik “Akoma Besoj” me autor Besart Tafaj

Poezite audio te meposhtme jane disa nga poezite qe bejne pjese ne vellimin poetik me titull “Akoma Besoj”.

poezi audio 1

poezi audio 2

REPREZALJE

 

 

Me tradhtinë

Kurrë mik nuk jam …

Ndaj saj

Hakmarrje të egër kam

Ndaj Tradhtisë Universale

Aspak mëshirë as falje

Ndaj saj Reprezalje

Dhe vetëm Reprezalje !

 

DESHIRË

Për të dytën herë dua

të djeshmen ta përjetoj

Por e pamundur për mua

sepse me Kohën

Veç ma larg saj po shkoj ..!!

 TROPOJË VENDLINDJA IME

 

Tropojë , Vendlindja ime

vargu im , malli im

toka ime , gëzimi im

ëndrra ime , motivi im

e shtrenja vendlindje

të dua ty , gjer në amshim !

Tek ti , Tropojë

kam Pranverën , kujtimet e mia

kam arsyen pse gëzoj

pjesë nga fëmijëria

të shkuarën që s’ kthehet

motivin pse jetoj

Tek ti , Tropojë mbretëreshë

linda e u rrita , erdha në këto ditë

në gjirin tand Nânë

kam qarë e kam qeshë

tek ti Vendlindje

kam zemër e kam shpirt .

Tropojë , Vendlindja ime

tek ti kam familjen

të shtrenjtën Nënë

kam bukën që kam ngrënë

dijen që kam nxënë

besën që kam dhënë

tek Ti vend kanë zënë

Tek ti , Tropojë

kam Shkëlzenin e Valbonen

të dy bashkë si vlla e moter

kam bjeshkët e malësorëve

dimër-verë plotë me borë

tek ti shqipja rrin krenare

si Mbretnesha me kunorë

Në gjirin tënd Tropojë

pushojnë Heronjtë e Fjetur

rrjedh freskia nëpër kroje

ku i vend si s’kam gjetur

Tek ti , vallen me tupan

e kërcejnë veç shtojzovallet

dhimbjes time ti i ban derman

se ti m’i hjek mue t’gjitha hallet

Në dheun tand , Tropoja ime

shtati im pushoftë aty

e thotë malli i zemrës time

Se kurrë s’do të gjej nji vend si Ty !!

 DISTIKË JETE

Jetë , më rreh ma fort po t’thôm

se kush t’rreh të don !!

 

NË VENDIN TEM KA DALË PRANVERA

N’vendin tem , ka dalë Pranvera

ka nisë dushki n’mal me dalë

kanë nisë lulet me t’kandshmet erna

n’vendin tem , n’njat mrekulli t’rrallë

Kanë nisë arat me u punue

n’Shkëlzen bora fort ka shkri

pemët n’bahçe kanë lulëzue

gjithçka nisë ka t’marrë gjallni

Se ma kingjat janë tranue

ndër livadhe tuj lodrue

cep më cep për pa pushue

Manushaqet plotë aromë

kanë çelë synin në t’dalë t’Pranverës

nisë me dalë ka bari i njomë

fill mbas shiut si gjitha herës …!!

Advertisements

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s